منتديات الفاتح سات السودانية
السلام عليكم و رحمة الله .... مرحبا بمن زارنا و هل علينا بطلته البهية ..... تشرفنا زيارتك الطيبة و مرحبا بك بيننا و حتى إن لم تكن مسجلا معنا فأهلا بك .... و لو أعجبك منتدانا فيكون لنا الشرف بإنظمامك إلينا و لأسرتنا الصغيرة .... كما نتمنى أن نفيدك و نستفيد منك و هذه الرسالة تفيد كونك جديدا معنا فمرحبا بك و بتسجيلك يا طيب ..... تحيات منتدانا و إدارته العامة....
منتديات الفاتح سات السودانية

منتديات الفاتح سات السودانية

شعارنا الإ فادة و التميز و الإبداع و الرقي
 
الرئيسيةالبوابةاليوميةمكتبة الصورس .و .جبحـثالأعضاءالتسجيلدخول

شاطر | 
 

 نكات قبائل سودانية

اذهب الى الأسفل 
كاتب الموضوعرسالة
الفاتح سات
المدير العام
المدير العام
avatar

عدد المساهمات : 353
تاريخ التسجيل : 20/06/2011
العمر : 37
الموقع : https://m.facebook.com/fathsatnwe?v=timeline&page=2&sectionLoadingID=m_timeline_loading_div_1412146799_0_36_2&timeend=1412146799&timestart=0&tm=AQB0Ys9RtLkzTz8D&refid=17

مُساهمةموضوع: نكات قبائل سودانية   السبت أغسطس 13, 2011 12:45 am

نكات قبائل سودانية
أدروب
قال ليك ادروب عينوهو وزير تربية وتعليم ... عمك مسطح جدا .. فقالو ليه النظام انو نسمي المدارس باسماء الصحابة يعني مدارس الاولاد خالد بن الوليد - ابوعبيدة بن الجراح - مصعب بن عمير ... الخ
ومدارس البنات نسيبة بن كعب - خولة بنت الازور - خديجة بنت خويلد .... الخ
اها الحبيب جابو ليهو مدرسة مختلطة ... وسألوه .. رايك شنو يا ادروب نسميها شنو المدرسة دي ؟؟
عمك مسطح طبعا وعامل فيها ناقش .. رد على طول وقال ليهم :طبيعي نسميها عيسى بن مريم
الفلاتة
واحد فلاتي بتعلم انجليزي ...
قالوا ليهو دخل كلمه
has
في جمله مفيده
قال ليهم
.
.
.
.

has بي الله و نعم الوكيل

الجعلييين
جعلي راكب حماره في الخلا .. دخل في كومة قش طارت منها (فرة) خلعت الجعلي لغاية ما وقع من الحماره
اتلفت يمين وشمال ما شاف زول
قال والله لو دا شايقي كان مات عديل

الشايقية
شايقى مشى يسجل ولده في المدرسة قالوا ليهو : المدرسة بي خمسمائة الف والبص بثلاثين الف
، قال ليهم خلاص سجلوهو لي في البص

الجنوبيين

اتنين جنوبين عايزين يخشو الجيش
واحد بيسال في التاني
يا جون نهن حسة ماشين تجنيد شنو فايدة بتاع جيش
قال ليهو
شوف
تقدم للجيش
ممكن يقبلوك وممكن يرفدوك
لو رفدوك ما مشكلة
لكن لو قبلوك
يا تتخرج جندي يا تتطلع عريف
لو طلعت عريف ما مشلكة
لكن لو طلعت جندي
يا تقعد في خرتوم يا يدوك جنوب لو قعدت في خرتوم ما مشكلة
لكن لو مشيت جنوب
يا تجي راجع يا تموت لو جيت راجع ما مشكلة لكن لو كتلوك
يا ياكلك اسد يا تبقي تحت الواطة بترول
لو اكلك اسد ما مشكلة لكن لو بقيت بترول
يا تكون بترول خفيف يا تكون بترول تقييييييل
لو بقيت بترول تقيل ما مشكلة
لكن لو بقيت بترول خفيف
يا تكون بنزين يا يعملو منك ورق مناديل
لو بقيت بنزين ما مشكلة
لكن لو بقيت ورق مناديل
يا يلاقاك شماشي يمسح بيك جزمة

ولا تلقاك جكسي
يمسح بيك خدو الحلللللللللللللللللللو ده
ده فايدة بتاع جيش

الدناقلة
ولد دنقلاوي قاعد مع حبوبتو
يسمع في وردي( الحزن القديم)

أمتع نفسي بالدهشة

سأل حبوبتو
قال ليها هبوبه إنتي الدهشه دي ماناها شنو؟؟؟
حبوبتو قالت ليهو
با وليدي الدهشة دي ما ولد الهمار

الحلفاويين

حلفاوى دقنو كبيره دخل الجامع لأول مرة واحد يسأله يا شيخنا فاتتني ركعتين أعمل شنو؟ قاليهو في زول شافك؟ قاليهو لا, قال ليهو: أعمل نايم .

الرباطاب

بص اتقلب كل الناس الفيهو ماتو ماعدا واحد بس طلع حى رباطابى شغال فى المرور رسلوه اشوف الحاصل شينو اول ماوصل لقى الناس متلمة فى الراجل طلع ورقة وقلم وقال ليه اها يا الصندوق الاسود ورينا البص دا السبب القلبو شينو

اهل العوض

حنكوشه بتحب زميلها في الجامعه من اهل العوض
في عيد الحب اهدتو ببغاء
تاني يوم سالتو : بالله رايك شنو في الببغاء ؟
قال ليها : طعمو جداد جداد.


مزارع زارع جزر تقوم الارانب تاكل المحصول كل مرة
قام وصاد الارانب وخلع ضروسهم كلهم علشان ما يعرفوا ياكلوا الجزر…
ثاني يوم قام المزارع داير يحصد المحصول
فلم يجد المحصول

راح عند الارانب

قامت قالت الارانب؟؟


هاهاهاي

ثوينا عثير وثربناه


(((((((((((((((((((((((((((((((((((

واحد لقى مسطول قاعد قدام باب جاره
قال ليهو يا شاب انت من اهل البيت ؟؟
رد المسطول: لأ من كفار قريش
((((((((((((((((((((((((

أنصار سنه مشو رحلة
الأولاد مشو الجريف شرق
والجكس مشو الجريف غرب

)))))))))))))))))))))))))


مسطول خطيبته قالت ليه عندى انسان فى داخلى بحرك فى مشاعرى

قال ليها شنو اللغة الطويلة دى ماتقولى حامل وخلاص

&&&&&&&&&&&&&&&&
مسطول طوالي بيمشي دار الرياضة أم درمان و يقرأ السبورة المكتوب فيها المباريات قبل يخش الكورة يوم مع السطلة القوية شديد بدل دار الرياضة دخل مستشفي الدايات بالغلط و شاف سبورة مكتوب عليها التطعيم ضد الجدري قال و الله ناس شداد ديل بقوا يجيبوا لينا أسماء فرق عجيبة خلاص

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘

واحد شييييييييييين خطب ليهو واحدة وقاعد يشرح ليها في ظروفو
- انت عارفة انا اعتمدت على نفسي من صغير كنت بشتغل وبقرا وفي الجامعة برضو
وبعد داك بديت شغل في السوق بامكانياتي وما اعتمدت علي اي زول يعني باختصار
خلقت نفسي براي قامت عاينت ليهو من فوق لي تحت وقالت
انا ذاتي قلت دي ما خلقة ربنا


%%%%%%%%%%%%%%%%

مسطول عاملين معاهو لقاء تلفزيوني سألوهو : اسباب السخانة الفي
البلد دي شنو قال ليهم دا كلو من مشجعين الكورة شابكننا فوق ، فوق
لمن تكلونا مع الشمس

^^^^^^^^^^^^^^^^^^^^^^^

واحد بيسكر ( مع اثنين من أصحابو ) لحدي مايتدمر ويغلبو المشى والوصول لبيتو ، وفوق دا كلو طويل لسان ، ولسانو سليط ، فاصحابو بيشيلوهو في قفة ، وكل واحد بيمسك القفة من أضان لحدى ما يوصلوهو بيتو ، ، وفي يوم الجماعة شايلين صاحبنا وهو مطين وغاطس لراسو في القفة ، شاف واحد سكران وماشي في الشارع يمين شمال و بيترتح ، قام قاليهو :- إنتو وكت ما قادرين عليهو الجابركم شنو ...؟؟؟


مسطول بشرح لى رباطابى فى لدغة الثعبان ... بتعرف مجرد ما البتاع لدغك بيملص اسنانه كلها فى رجلك ... الرباطابى عاين للمسطول شديد طيب لو الثعبان لاقى ليه زول تانى يلدغو بى شنو ؟ المسطول طوالى قال ليه ما فى المسافة دى بكون عمل اسنان تانى ! الرباطابى قال ليه ياخوى فكنا ثعبانك دا الا اكون دباسة


واحد مسطول لقي جماعه
بيصلو صلاة العشا بره المسجد في
فرشه طوالي صلي معاهم بعد الصلاه
الجماعه اتفرقو عدا الامام وصاحبنا
المسطول بقو قاعدين في الفرشه
الامام قال للمسطول قوم لفها
‏<قصدو الفرشه طبعا>
المسطول عاين في الامام مسافه
وقالو: انت جادي يا مولانا !!!؟؟؟؟؟

@@@@@@@@@
مسطول مشى هو وأمه وابوه عشان يخطبوا بت مرطبة شديد ..
لمن جاء الجماعة قالوا ليه ورينا الحصل شنو اوعى يكون حرجوك بس ؟؟؟؟
قال ليهم والله فيفتي فيفتي ...
قالوا كيف يعني
قال ليهم أنا وأبوي وأمي موافقين
وهي وأ مها وأبوها ما موافقين

@@@@@@@@@@

الحنكوشه شايلة الآيسكريم .. المسطول قال ليها داير اسألك سؤال بس أوعك تفهميني غلط
قالت ليه ما فيش مشكلة .. إسأل ياعمو
قال ليها: ممكن لحسة؟؟؟

مدت ليه الآيسكريم وقالت ليو : اتفضل


قال ليها : أها ما قلتا ليكي بتفهميني غلط؟

@@@@@@@@@@@@@@@


مسطول بشاغل واحدة بلتلفون
قالت ليه هي انت مسطول ؟
قال أنعل أبو الكاشف زاتو.............

@@@@@@@@@@@@

مسطول اشترى خروف ضعيف شديد ..ابوهو قال ليهو دشنو الخروف الضعيف ده قال ليهو ماتشوف الجسم شوف العيون كيف؟

@@@@@@@@@@@@@

واحد مسطول جابو للقاضي . القاضي قال : قول عشره حاجات تبدأ بحرف البا بتعملا من الصباح بفرج عنك رد المسطول : -
بجيبا - بختها - بفتفتا - بلفها - بولعا - بشربا - بتكيف - بنسطل - بطفيها - بنوم

@@@@@@@@@@@@
بكرة الصباح الساعة تمانية مساء عازمكم غداء في بحري الثورة الحارة العاشرة شارع المطار ما تنسوا الوصف عشان نمشي نعزي الزول ده قالوا أخوه الكبير عرّس (مسطول خاينو التعبير)

@@@@@@@@@@@@

------------------------- التوقيع --------------------------------



الرجوع الى أعلى الصفحة اذهب الى الأسفل
http://fathsatnow.yoo7.com
محمد الغاتح

avatar

عدد المساهمات : 10
تاريخ التسجيل : 14/08/2011
العمر : 19

مُساهمةموضوع: رد: نكات قبائل سودانية   الأحد أغسطس 14, 2011 5:33 am

هاهاهاهاهاهاهاهاهاهاهاي والله دي مبالغه
ياخي المسطول ده والله كيفني في روحي هاهاهاهاهاي
الفاتح تسلم ياعسل والله ما بتقصر معانا ابدا
يديك العافيه ان شاء الله ويجعل ايامك كلها فرحه وضحكه وسعاده
الرجوع الى أعلى الصفحة اذهب الى الأسفل
الفاتح سات
المدير العام
المدير العام
avatar

عدد المساهمات : 353
تاريخ التسجيل : 20/06/2011
العمر : 37
الموقع : https://m.facebook.com/fathsatnwe?v=timeline&page=2&sectionLoadingID=m_timeline_loading_div_1412146799_0_36_2&timeend=1412146799&timestart=0&tm=AQB0Ys9RtLkzTz8D&refid=17

مُساهمةموضوع: رد: نكات قبائل سودانية   الأحد أغسطس 14, 2011 3:42 pm

شكرين ومقدرين مرورك حموده
دمت بالف حير

------------------------- التوقيع --------------------------------



الرجوع الى أعلى الصفحة اذهب الى الأسفل
http://fathsatnow.yoo7.com
 
نكات قبائل سودانية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الفاتح سات السودانية :: ๑۩۞۩๑ المنتديات العامه ๑۩۞۩๑ :: منتدى التسلية والترفية-
انتقل الى: